БНХАУ-ын Хайянь хотноо Азийн элсний спортын наадам ирэх бямба гаригт нээлтээ хийх билээ. Хэдийгээр 16-нд эхлэх ч элсний волейболын тэмцээн өчигдөр эхэлжээ. Энэ төрөлд шар тивийн 29 орны эрэгтэй 45, эмэгтэй 25 баг оролцож байна. Б.Наранбаяр, М.Мягмарсүрэн нарын бүрэлдэхүүнтэй Монголын эрэгтэйчүүдийн баг Иран (чансаагаар 2-т бичигдсэн), Афганистаны багтай нэг хэсэгт багтсан юм. Тэд өчигдөр эхний тоглолтоо Афганистаны багтай
хийж, 2-1-ээр хожжээ.

Харин Э.Эрдэнэзаяа, Г.Өлзийдэлгэр нарын эмэгтэйчүүдийн баг Шри Ланк,Вьетнамын багтай нэг хэсэгт орж, эхний тоглолтоо Цейлон нутгийн багтай хийж, 0-2-оор хожигджээ. Харин М.Оюунтуяа, Г.Энхжаргал нар Индонез, Вьетнамтай нэг хэсэгт багтаж, эхний тоглолтод Вьетнамын багт 0-2-оор хожигджээ.

Эрэгтэй төрөлд хэсгийн нэгдүгээр байрт орсон баг дараагийн шатанд шалгарах бол эмэгтэйчүүдийн хэсгээс хоёр баг дараагийн шатанд үлдэх гэнэ.