Афганистаны хойд нутагт болсон 5,4 ба 5,7 магнитудтай хоёр газар хөдлөлт болон газрын нурангийн улмаас 100 орчим хүн амиа алдав.

Орон нутгийн эрх баригчдын мэдээгээр гамшгаар 20 байшин нурж, аврагчид нуранги доороос нь хэдэн арван хүний цогцсыг гаргажээ. НҮБ-ын мэдээгээр Афганы таван мужид байр байшин сүйдсэн байна. Аврах ажилд бульдозер зэрэг хүнд техник  хэрэгтэй байгаа учраас нурангийг зайлуулах ажиллагаа удааширч байна.