Өмнө нь ABN AMRO bank N.V. нэртэй байгаад одоо Royal Bank of Scotland N.V нэртэй болсон банк АНУ-ын Засгийн газарт 500 сая долларын торгууль төлөх болов. Засгийн газрын хар жагсаалтад оруулсан байгууллага ба орнуудад мөнгө угаахад нь тус дэм болсон гэж уг банк ийм торгуульд унасан байна гэж Associated Press мэдээлжээ.
Энэ банк Судан, Ливи, Куба, Ираны банкууд ба хувь хүмүүстэй холбоотой байсан гэнэ. Шүүхийн бичиг баримтаар бол Нью-Йорк дахь ABN AMRO-гийн салбараар 1995-2005 онуудад 3,2 тэрбум ам.доллар дамжсан байжээ. Голландын ABN AMRO банкийг 2007 онд Британийн Royal Bank of Scotland худалдан авсаны улмаас өөрөө 2008 онд 24,1 тэрбум фунтын гарз амсчээ.