Нийслэлийн Сонгинохайрхан дүүргийн 20 дугаар хорооны нутаг дэвсгэр, 22-ын товчооны задгайд оршин  суух гурван настай хүүхэд өчигдөр өглөө хашаандаа тоглож байгаад  Бонго машины ачаанд дарагдаж, амиа алдсан харамсалтай хэрэг гарчээ.

Мөн Хэнтий аймгийн Жаргалтхаан сумын нутагт Хамар давааны зүүн талд Зөөлөн гэдэг газарт 2495 УНУ улсын дугаартай автомашин осолдсон хэрэг гарсан байна. Автомашинд сууж явсан зорчигч 55 настай А , 23 настай Ц, 33 настай Д болон гурван сартай хүүхэд нас барж,  хоёр хүн хүнд гэмтсэн байна.  Мөн Булган аймгийн Хангал сумын нутагт Д гэгч жолоочтой автомашин  осолдож, жолооч болох 49 настай Д, 47 настай зорчигч О нар нь нас барсан харамсалтай осол гарчээ.

Дээрх хэргийг харьяа Цагдаагийн хэлтэст шалгаж байгаа аж.