Америк дахь Монгол оюутны холбооноос “Америкт оюуны хүчээрээ суралцацгаая” уриан дор нэг өдрийн үнэ төлбөргүй мэдээ мэдээлэл бүхий өдөрлөг зохион байгуулах гэж байна. МУИС-ийн хичээлийн II байрны А зааланд зургадугаар сарын 16-нд 14-17.30 цагийн хооронд үргэлжлэх өдөрлөгийн хүрээнд Америкийн шилдэг их, дээд сургуулиудад тэтгэлэгтэйгээр суралцах боломж болон бусад сэдвээр асуулт, хариулт бүхий илтгэл хэлэлцүүлэх гэнэ. Түүнчлэн гадаадын нэр хүндтэй их, дээд сургуульд элсэн орсон монгол оюутнуудын санал бодол, зөвлөмжийг сонсох боломжтой юм.

Америк дахь Монгол оюутны холбоо өнгөрсөн жил байгуулагдсан бөгөөд холбооны удирдах зөвлөлийн гишүүнээр  “Wesleyan University”, “Columbia University”, “Harvard University”, “Mount Holyoke College”, “MIT” зэрэг их сургуулийн монгол оюутнуудын төлөөлөл багтдаг байна. Одоогоор тус холбоонд 60 гаруй оюутан нэгдээд буй ажээ.
Сүүлийн жилүүдэд монгол оюутнуудад Америкийн болон дэлхийн шилдэг их, дээд сургуульд суралцах боломж  асар ихээр нэмэгдэж байгаа гэдэг. Тухайлбал,  2007 онд Харвардын их сургуулийн бакалаврын зэрэгт анхны монгол оюутан тэнцэж байсан бол энэ жил Харвардад хоёр ч монгол оюутан эрдмийн аянд мордохоор зэхэж байгаа ажээ.

Америкт суралцах хүсэлтэй хүн бүхэнд зориулсан дээрх өдөрлөгийн үеэр:

• Harvard university
• MIT
• Columbia university 
• Wesleyan university 
• Williams college
• Brown university
• Mount Holyoke college
• Ohio state university 
• Princeton university 
• Cornell university, college
• University of Minnesota
• Kenyon college
• Purdue university 
• Lindenwood university зэрэг их, дээд сургуулийн талаар шаардлагатай мэдээлэл өгөх юм байна.