Сайхан ирээдүй, сайн дуучин болох мөрөөдлөө биелүүлэхээр “Камертон 2” шоуг зорин ирсэн олон залуусын нэг нь барилгын инженер залуу О.Анхбаяр юм. Түүний хувьд  шоуны эхний шатанд алдарт Майкл Бублегийн дуунаас дуулж, уянгалаг сайхан хоолойгоороо шүүгчдийг уярааж чадсан нэгэн. Харин шоуны хоёрдугаар шатанд тэр шүүгчдийг дахин уяраалаа. Монголын рокийн “загалмайлсан эцэг” гэгддэг “Харанга” хамтлагийн “Өнгөрсөн үе” дууг тэрбээр өөрийнхөөрөө уянгалуулан дуулснаар дараагийн шатанд орох эрхээ ногоон гэрлээр авч чаджээ. Түүний дуулсан дуунд шүүгчид төдийгүй шоуны уран бүтээлчид хүртэл автаж орхисон гэнэ шүү. Тэр дундаа “Камертон 2” шоуны ганц шигтгээ болох хөтлөгч М.Мөнхжаргал түүний дуунд уярч хайлахдаа нулимсаа барьж ядан ярилцаж байгаа харагдсан шүү.