Ухаалаг гар утас, таблетын зах зээлд Андройд үйлдлийн систем бүхий бүтээгдэхүүнүүд хүч түрэн орж ирсэн. 2011 оны арванхоёрдугаар сарын байдлаар өдөрт 700 мяган андройд хэрэгсэл идэвхжиж байна гэсэн тооцоо байсан бол энэ оны хоёрдугаар сарын байдлаар уг тоо 850 мянган болж өссөн.

Харин энэ сард хийсэн судалгаагаар өдөрт энэ тоо 950 мянга болж нэмэгджээ.

Google компанийн Андройдын тэргүүн Энди Рубин “Андройдын зах зээл өдрөөс өдөрт нэмэгдэж, асар хурдацтайгаар хүчээ авч байна. Бид цаашид энэхүү төслөө улам идэвхижүүлж, оргилд гарахыг тэмүүлнэ” хэмээжээ.

Мөн шинжээчид “Андройдын энэхүү тоон үзүүлэлт цаашид өссөөр байх ба 2012 оны сүүлч гэхэд өдөрт идэвхжиж буй андройд хэрэгслийн тоо 1 саяд хүрэх төлөвтэй байна” гэж дүгнэжээ.