Монгол Улс, АНУ-ын хооронд дипломат харилцаа тогтоосны 25 жилийн ой энэ жил тохиож байна. Үүнтэй холбогдуулан АНУ-аас Монгол Улсад суугаа Онц бөгөөд бүрэн эрхт Элчин сайд өнөөдөр 15.30 цагаас сэтгүүлчидтэй ангиагүй уулзалт хийхээр болжээ. Уулзалтыг Хэвлэлийн хүрээлэнд хийх юм байна.

Хоёр орны хооронд 1987 оны нэгдүгээр сарын 27-нд дипломат харилцаа тогтоожээ. Америкийн тал байнгын ЭСЯ-аа 1988 оны дөрөвдүгээр сард Улаанбаатарт, Монгол Улс байнгын ЭСЯ-аа Вашингтонд 1989 оны гуравдугаар сард тус тус нээсэн байна.

Монгол Улсын Ерөнхийлөгч асан Н.Багабандийн 2004 онд АНУ-д хийсэн айлчлалын үеэр гаргасан “Монгол Улс, АНУ-ын Хамтарсан мэдэгдэл”-д хоёр талын харилцааг Стратегийн нийтлэг ашиг сонирхолд тулгуурласан иж бүрэн түншлэлийн хэмжээнд хүргэн хөгжүүлэхээр тохиролцсон нь хоёр талын харилцааг бүхий л салбарт идэвхжүүлэх таатай нөхцөлийг бүрдүүлсэн байна.