Реалити шоуны од, Холливудын дуу алдам өгзөгтэй бүсгүйчүүдийн нэг Ким Кардашиан гурван сар үерхсэн найз залуу Канье Уэстэд төрсөн өдрийн бэлэг болгож 750 мянган ам.долларын үнэтэй Lamborghini бэлэглэжээ. Өмнө нь Крис Хамфристэй гэрлэхдээ 10 гаруй сая ам.доллар “цацсан” түүний хувьд найз залуугийнхаа 35 насны төрсөн өдрөөр ганган төмөр хөлөг бэлэглэх нь энгийн үзэгдэл бололтой.

Төрсөн өдрөөрөө Ирландад Jay-Z-гийн хамт “Watch the Throne” тоглолтод оролцож явсан Канье Уэст видео чатаар хайртынхаа бэлэг болох Aventador LP 700-4 Lamborghini-гийн дүрсийг харсан гэнэ. Харин одоо болтол шинэхэн машиныхаа жолооны ард сууж амжаагүй ажээ.