Сомалийн дайчид АНУ-ын ерөнхийлөгчийн байгаа газрын тухай мэдээлэл өгсөн хүнд 10 тэмээ өгнө гэж амлав. Исламийн “Аль-Шабаб” гэх “Аль-Каида” бүлэглэлтэй холбоотой байгууллагын долоон удирдагчийн талаарх мэдээллэлд АНУ-ын Төрийн департамент 33 сая ам.доллар амласаны хариуд тэд ийнхүү Обамагийн толгойг үнэлжээ.

Мөн тэд Төрийн нарийн бичгийн дарга Хиллари Клинтоны тухай мэдээлэлд 10 азарган тахиа, 10 эм тахиаг өгөхөөр зарласан байна. “Буруу номтнууд мусальман лидерүүдийн төлөө мөнгө хөрөнгө амладаг нь гайхмаар зүйл огт биш. Тэд их зөнч Мохаммедыг хөнөөвөл тэмээ амалж байсан” хэмээн бүлэглэлийн төлөөлөгч хэлжээ. Коран сударт, их зөнчийг барин хөнөөвөл 100 тэмээ өгнө гэж Меккад зарлагдаж байсан тухай өгүүлснээр тэр ийнхүү иш татжээ.