УИХ-ын ээлжит сонгуульд энэ жил анх удаа гадаадад ажиллаж, амьдарч байгаа иргэд өчигдрөөс эхлэн саналаа өглөө. Хотуудын цагийн зөрүүнээс шалтгаалан Монголын цагаар өнөөдрийн 11.00 цагт санал авах хугацаа дуусах юм. Өглөөний 07.00 цагийн байдлаар нийт 2740 хүн саналаа өгсөн мэдээлэлтэй байна.  Одоогоор санал авах 38 салбарт санал авах хугацаа дууссан байгаа бөгөөд 11.00 цагт Сан франциско хотод санал авснаар гадаад дахь монголчуудын санал авах ажил дуусгавар болох ажээ. 

Энэ удаагийн сонгуульд 4276 сонгогч саналаа өгөх ёстой бөгөөд санал авах ажиллагаа 09.00 цагийн байдлаар 64 хувьтай байна гэж албаныхан мэдээллээ.