Энн Колажованни хэмээх 97 настай эмээ насан туршдаа мөрөөдсөн хүсэл мөрөөдлөө биелүүлж, ахлах сургуулийн дипломоо гардан авчээ. Тэрээр 1930 онд 17 настай байхдаа аавынхаа дэлгүүрт ажиллахаар сургуулиасаа гарсан байна. Тэрбээр сургуульдаа эргэж суралцахыг маш их хүсдэг байсан ч дэлгүүрт нь ажиллах өөр хүн байгаагүй учраас чадаагүй байна.

Харин 1960 онд дэлгүүр нь хаагдсан ч Энн Колажованни нөхөрт гарч гэрийн эзэгтэй болсноор суралцах хүсэл нь талаар болжээ. Тэрбээр 2 охин, 11 ач зээтэй болсон байна. Охидууд нь ээжийнхээ хамгийн нандин хүсэл мөрөөдлийг биелүүлэхээр төрөлх сургуулийнх нь захиргаанд ханджээ.

Эмээгийн сурч байсан Shaker Heights ахлах сургууль тэдний хүсэлтийг хүлээн авч, 1934 оны зургадугаар сар гэсэн он сартай бүрэн боловсролын дипломыг эмээд гардуулан өгчээ.

Энэхүү дипломыг тэрбээр насаараа хүсч мөрөөдөж явсан бөгөөд баярын нулимстай дипломоо гардан авчээ.