Улсын хэмжээнд өчигдөр эхлүүлсэн элсэлтийн ерөнхий шалгалт /ЭЕШ/ үргэлжилж байна. Шалгалтыг энэ сарын 8-10-ны өдрүүдэд 52 төвд буюу хуваарьт багтсан сургуулиудад авах бөгөөд 13 мянга гаруй шалгалтын комиссын ажилтнууд ажиллаж байгаа юм. Тодруулбал, Боловсролын үнэлгээний төвийн 20 гаруй мэргэжилтэн, хянагч багш нар, Мэргэжлийн хяналтын ерөнхий газар, Тагнуулын ерөнхий газар, Цагдаагийн бие бүрэлдэхүүн хамтран ажиллаж байна. Шалгалтанд орохдоо тухайн сурагч нь баталгаажсан бүртгэлийн хуудас, суудлын хуваарь болох шар хуудас, бүрэн дунд боловсролын гэрчилгээ, иргэний үнэмлэхээ заавал авч ирэхийг шалгалтын комиссоос анхааруулж байна.

Шалгуулагчид өнөөдөр хуваарийн дагуу Монголын түүх, математик, биологи, Монгол хэлний хичээлийн шалгалтаа өгч байгаа юм. Энэ жилийн элсэлтийн ерөнхий шалгалтад 43087 сурагч хамрагдаж байгаа билээ.

Шалгалтын хуваарь:

Шалгалт авах өдөр	Хичээлийн нэр	Шалгалт авах цаг
Зургадугаар сарын 8-ны өдөр	Орос хэл	10.00-11.20
	Хими	13.00-14.40
	Англи хэл	16.00-17.20
Зургадугаар сарын 9-ний өдөр	Монгол Улсын түүх	8.30-9.50
	Математик	11.30-13.10
	Биологи	14.30-15.50
	Монгол хэл	17.00-18.20
Зургадугаар сарын 10-ны өдөр	Газар зүй	8.30-9.50
	Нийгмийн тухай мэдлэг	11.30-12.50
	Физик	14.20-16.00

Д.ЖАРГАЛ