Жил бүрийн зургаадугаар сарын 9-ний өдрийг 2009 оноос эхлэн Дэлхийн итгэмжлэлийн өдөр болгон тэмдэглэж иржээ. Энэ удаагийн Итгэмжлэлийн өдрөөр хүнс, ундны цэвэр устай байх боломжийг итгэмжлэлээр хэрхэн дэмжих талаар анхааралаа хандуулахаар болсон байна.

Аюулгүй хүнс болон ундны цэвэр усны хангамжид үзүүлэх итгэмжлэлийн ач холбогдлын талаарх мэдлэг, мэдээллийг нэмэгдүүлэхийн тулд дэлхийн 90 гаруй улс оронд Дэлхийн итгэмжлэлийн өдрийн баярыг тохиолдуулан хэвлэлийн компанит ажил, сургалт, семинар зэрэг нийтлэг ажлуудыг зохион байгуулах ажээ.