Европын хөлбөмбөгийн аварга шалгаруулах тэмцээнийг хамтран зохион байгуулагч Польшийн шигшээ баг нээлтийн тоглолтыг нийслэл Варшав хотын Үндэсний цэнгэлдэх хүрээлэнд Грекийн багтай хийж, тэнцлээ. Талбайн эзэн багаас "Боруссия Дортмунд"-ын  довтлогч Роберт Левандовски тоглолтын 17 дахь минутад "Евро-2012"-ын анхны гоолыг оруулсан бол тоглолтын хоёрдугаар хагаст, 51 дэх минутад Грекийн шигшээ багийн довтлогч Дмитрис Салпингидис тооны харьцааг тэнцүүлсэн юм.

Ийнхүү "А" хэсгийн эхний тоглолт 1:1 харьцаатай тэнцээгээр өндөрлөж, Польш болон Грекийн шигшээ багууд тус бүр нэг оноотой болж байна.