Хөгжим сонирхогч залуусын хамгийн дуртай баяр болох Bonnaroo хөгжмийн их наадам өнөөдөр Теннессид эхэлнэ.

Энэ сарын 10-ныг хүртэл үргэлжлэх наадмыг мөн л Youtube сайтаар шууд дамжуулахаар болсон тухай наадмыг зохион байгуулагчид албан ёсоор мэдэгдлээ.

Уг наадмыг зохион байгуулахад Dell, Intel компаниуд голлох үүрэг гүйцэтгэж, харин Youtube интернэтээр шууд дамжуулах ажлыг хариуцан Youtube дээрх Bonnaroo-ийн албан ёсны сувгаар шууд дамжуулах аж. 

Энэ жилийн наадамд Radiohead, Red Hot Chili Peppers, Phish  зэрэг алдартай хамтлагууд ирж, фэнүүдээ баярлуулах гэнэ.

Энэхүү наадамд энэ жил нийтдээ 43 хамтлаг, уран бүтээлчид оролцохоор болоод байна.

Youtube дэхь Bonnaroo-ийн албан ёсны суваг интернетийн үзэгчиддээ зориулан уран бүтээлчдийн тоглолтын цагийн хуваарийг гаргасан байгаа ажээ.