Дуучин Бейонсе өөрийн гэр бүлийн хамт Францын нийслэл Парис хотод хүрэлцэн иржээ. Тус улсын хамгийн өндөр зэрэглэлийн “Парис” зочид буудалд тэд байрласан байна. Дуучин хосыг тус буудалд байрлаж байх үед тэдэнд зориулсан хүлээн авалтыг тус зочид буудлынхан зохион байгуулжээ. Үдэшлэгт олны танил дуучин одууд байсны дотор, Кайли Миноуг, Кэти Перри болон The Black Eyed Peas хамтлагийн дуучин Ферги нар байсан байна. Дуучин, Бейонсе Jay-Z нар Парис хотод бяцхан охинтойгоо ирсэн бөгөөд Kanye West-ийн хамтаар Европт аялан тоглолт хийх  төлөвлөгөөтэй ирээд байгаа нь энэ ажээ.  Дуучин хос  баасан гаригийн үдэш болох Парисийн шөнө цэнгүүнд оролцсоныхоо дараа аялан тоглолтоо цааш үргэлжлүүлэх юм байна. Тэд зочид буудлаас гарахдаа охиныхоо нүүрийг алчуураар далдлан гарчээ. Өнгөрсөн наймдугаар сард MTV хөгжмийн шагнал гардуулах ёслол дээр дуучин Бейонсе жирэмсэн болсноо зарласнаас хойш анх удаа хийж буй тоглолт нь энэ удаагийн аялан тоглолт юм байна. Тус аялан тоглолтын үеэр Атлантик хотод л гэхэд 55000 үзэгчид хуран цугларчээ.