Дуучин Ану уран бүтээлээ хийхийн зэрэгцээ “Хөөрхөн дэлхий” ТББ-ыг толгойлон, хүүхэд багачуудын төлөө багагүй ажлуудыг хийдэг. Тэрбээр өнгөрсөн хүүхдийн баяраар эх үрсийн баярын олон арга хэмжээнд оролцон, хүүхэд багачуудад бэлэг гардуулж, ая дуугаа хүргэсэн байна. “Хөөрхөн дэлхий” ТББ-ын дараагийн ажил нь балетын сургууль байгуулах гэнэ. Тэрбээр  хүүхдүүд гэлтгүй ээжүүдэд сонгодог орчинд суралцах боломжийг бүрдүүлэхээр балетын сургууль байгуулах зорилго тавиад байгаа ажээ. Сонирхуулахад, Ану балетаар нэг жил зургаан сар хичээллэж байгаа бөгөөд балетын хичээлээ догдлон хүлээдэг гэсэн шүү.