Рэппер  2Pас-ын гурван хэмжээст дүрсийг бүтээсэн компани  Элвис Преслиг  бодит мэт харагдуулах төслийг зохион байгуулаж байгаа гэнэ. “Elvis Presley Enterprise”-ын төлөөлөгч “Энэ бол "Рок-н-роллын хаан" Элвис Преслигийн амьд тоглолтыг үзүүлэх шинэ сонирхолтой арга юм.” гэж мэдэгдсэн байна. Мөн “ Элвисийн 3D үзүүлбэр нь түүний шүтэн бишрэгчидийнх нь сэтгэлийг хөдөлгөж, тоглолтыг анх удаа үзэж буй үзэгчдэд шинэ нээлт болно.” хэмээн мэдэгджээ.

 Энэхүү төслийн технологийн ажлыг “Avatar” киноны  найруулагч Жэймс Камероны үндэслэн байгуулсан“The Digital Domain Media Group” хийж байгаа гэнэ. Тэд “The Curious Case of Benjamin Button”, “X-Men” киноны эхний анги, “TRON: Legacy” зэрэг кинонд  хүний дүр төрхийг компьютероор бий болгосон технологиор  Элвисийн дүрийг бүтээж байгаа гэнэ. Мөн тэд “Coachella” наадам дээр рэппер Dr Dre, Snoop Dogg нарын хажууд 2Pас-ын дүрсийг амьд мэт харуулж чадсан билээ.

Хэдийгээр 3D зургуудийг “holograms” буюу гурван хэмжээст дүрсүүд  гэж нэрлэж байгаа ч   үнэн хэрэгтээ тэд нь  дүрсийн үзүүлбэр юм. Элвис Пресли 1977 онд 42 насандаа нас барсан билээ. Түүний “Heartbreak Hotel”,”Hound Dog”, “All Shook Up”, “Jailhouse Rock”  Suspicious Minds” зэрэг дуунууд хамгийн их хит болсон дуунууд юм.