Америкийн каунтри хөгжмийн наадам боллоо. Уг наадамд “Америкийн шүтээн” шоуны 2005 оны ялагч, кантри дуучин, дууны үг зохиогч, жүжигчин Кэрри Андервуд “Good Girl” дуугаараа “Оны олны таашалд нийцсэн дуу” шагналыг хүртжээ.

Мөн тэрбээр дуучин Брэд Пейслитэй хамтран дуулсан “Remind Me” дуугаараа оны шилдэг хоршил дуу шагналын эзэн болсон байна. Уг наадмын бусад шагналтнуудад Америкийн дуучин Миранда Ламберт,  Lady Antebellum хамтлаг, дуучин Лук Брайн нар багтжээ.

Дуучин Брайн “I Don"t Want This Night to End” дуугаараа оны шилдэг эрэгтэй дуучин, дуучин Ламберт “Over You” дуугаараа оны шилдэг эмэгтэй дуучин шагналыг тус тус хүртсэн байна.

Дуучин Жэсон Олдин  “Tattoos on This Town” амьд тоглолтоороо оны онцлох  уран бүтээлч шагналын эзэн боллоо. Харин “Lady Antebellum” хамтлаг “We Owned The Night” дуугаараа шилдэг хамтлагийн шагналыг хүртжээ. “Америкийн шүтээн”-ий өнгөрсөн жилийн ялагч, дуучин Томпсон Скуар “I Got You” дуугаар оны шилдэг дууны үг зохиогч шагналыг авсан байна. Мөн дуучин Скотти Маккрэри “The Trouble With Girls” дуугаараа оны шилдэг амжилт үзүүлсэн дуу шагналыг хүртжээ. Алдарт дуучин Тайлор Свифт үргэлж нэр дэвшдэг гурван номинациараа энэ жил  шагнал хүртэж чадалгүй гар хоосон буцжээ.

Наадмыг Америкийн дуучин, жүжигчин Тоби Кит болон жүжигчин Кристен Белл нар хамтран хөтөлсөн байна.