“Америкийн жүжигчин, дуучин 19 настай Miley Cyrus гурван жил үерхсэн найз залуу "The Hunger Games" киноны од Авсралийн жүжигчин 22 настай Liam Hemsworth-той  сүй тавьжээ. Miley Cyrus “ Би сүй тавьсандаа баяртай байна. Liam Hemsworth бид хоёр жаргалтай амьдрана гэж бодож байна.” гэж  “People” сэтгүүлд өгсөн ярилцлагандаа хэлжээ.  Мөн тэрбээр “Секс бол гайхалтай сайхан бас ид шидийн зүйл” хэмээн сексийн талаар өөрийн бодлоо илэрхийлсэн байна.

Хосууд 2009 онд "The Last Song" хэмээх хайр дурлалын сэдэвт кинонд хамтран тоглохдоо анх танилцаж үерхэж эхэлжээ.

Жүжигчин  Liam Hemsworth өнгөрсөн сарын гучин нэгэнд Лос Анжелес хотын үнэт эдлэлийн  “Neil Lane Jewelry” дэлгүүрээс авсан цэцгийн хээтэй 3.5 каратын очир алмазан шигтгээтэй алтан бөгжөөр санал тавьжээ. 

Өнгөрсөн гуравдугаар сард Аризонад Miley Cyrus хуруундаа алмаазан шигтгээтэй бөгж зүүсэн байхыг хүмүүс  харсан үеэс хосуудын сүй тавьсан тухай ярих болсон. Харин хос хоёр энэ талаар албан ёсоор мэдэгдээгүй байсан билээ.

 Өчигдөр Miley Cyrus өөрийн  Твиттертээ сүй тавьсан талаараа “Та бүхний хайр хүндэтгэлд талархаж байна. Та нарт ийм баярт мэдээ дуулгах таатай байна. Миний мөрөөдөл биелж байх шиг санагдаж байна.” хэмээн бичжээ.