Орхон аймгийн Тээвэр автозамын газар, Хотын захирагчийн албатай хамтран аймгийн хэмжээнд хийгдэж байгаа замын ажлуудад бүтэн сарын турш хяналт тавьж, шалгалт хийжээ. Өнгөрсөн сарын 5-наас эхэлсэн тус шалгалтаар тендерт эрх авсан гүйцэтгэгч компаниуд ажлаа товлосон хугацаанд  нь хийхгүй байгаа зөрчил илэрсэн байна. 2012 онд хотын замын санд нэг тэрбум гаруй төгрөг төсөвлөгдөн, ажлууд хийгдэхээр болсон. Ажилдаа хойрго хандаж, хойш суусан замын компаниудтай хариуцлага тооцож, улмаар цагт нь ажлаа амжуулахыг аймгийн удирдлагууд шаарджээ.