“Жижиг дунд үйлдвэрлэлийн бүтээгдэхүүн, үйлчилгээ, технологи-2012”  олон улсын үзэсгэлэн яармаг өнөөдрөөс эхлээд зургадугаар сарын 11-нийг хүртэл “Мишээл-Экспо” төвд  үргэлжилнэ.

МҮХАҮТ, Монгол Улсын Засгийн газраас энэ жилийг өрхийн хөгжлийг дэмжих жил болгон зарласантай холбогдуулан энэхүү үзэсгэлэн яармагийг зохиож байгаа аж.

Өрхийн хөгжлийг дэмжихийн тулд одоогийн байдлаар жижиг дунд бизнес эрхлэгчдийг НӨАТ-аас чөлөөлөх тухай хуулийн төслийг хэлэлцэж байгаа билээ. Харин энэ талаарх арга хэмжээ, үзэсгэлэн яармагийг төрийн болон төрийн бус байгууллагууд зохион байгуулсаар байна. Энэ удаагийн “Жижиг дунд үйлдвэрлэлийн бүтээгдэхүүн, үйлчилгээ, технологи-2012”  12 дахь удаагийн үзэсгэлэн яармагт өрхийн үйлдвэрлэл эрхэлдэг хувь хүмүүс, аж ахуй нэгжүүд, банк санхүүгийн болон олон улсын стандартад нийцсэн импортын барааг оруулж ирдэг компаниудыг өргөнөөр хамруулах талаар МҮХАҮТ-аас мэдээлж байна. Түүнчлэн БНХАУ, ОХУ, Тува улсын компаниуд оролцохоор болжээ. Зохион байгуулагчдын зүгээс үзэсгэлэнгийн гол зорилгыг үндэсний үйлдвэрлэлийг дэмжиж, импортын зах зээлд нэвтрүүлэх, бизнесийн байгууллагууд болон жижиг дунд бизнес эрхлэгчдийг холбох хэмээн онцолж байна.