Хойд Солонгосын Пионерийн байгууллага байгуулагдсаны 66 жилийн ойн баярын талаар Өмнөд Солонгосын хэвлэл мэдээлэл шүүмжлэлтэй тойм, тайлбар хийсэн нь Пхеньяны уурыг хүргэв бололтой. Хойд Солонгос Сөүлийн гурван сонины редакц, гурван телевизийн суваг ба нэг радио станцад пуужингийн цохилт өгнө гэж сүрдүүлсэн байна. Хойд Солонгосын Жанжин штабын мэдэгдэлд “БНАСАУ-ын Хөдөлмөрийн намын нэгдүгээр нарийн бичгийн дарга Ким Чен Уныг доромжилсондоо уучлалт гуйхгүй бол пуужин яг тийшээ тусах болно” гэсэн байлаа. Занал хийхээ зогсоохыг Сөүл Пхеньянаас шаардан сэтгүүлчдээ хамгаалсан байна.

Өнгөрсөн бямба гаригт Пхеньянд болсон наадмын үеэр 20 мянган сурагчид Ким гуравдугаарт үнэнч байхаа тангарласан байжээ. Өмнөд Солонгосын сэтгүүлчид Ким Чен Уныг хүн амын дэмжлэг авах гэсэн өрөвдөлтэй оролдлого хийлээ гэж бичсэн байв.