Дархан-Уул  аймгийн ОБГазар, “Монгол даатгал” ХХК-ийн Дархан салбар, Хүүхдийн төлөө хэлтсээс Цэцэрлэгийн болон Ерөнхий боловсролын сургуулийн сурагчид, хүүхэд багачуудын сэтгэхүйг хөгжүүлэх, авъяас ур чадварыг нээх,  тэдэнд гал түймрийн хор хөнөөлийг таниулах зорилгоор жил бүр уламжлал болгон зохион явуулдаг “Гал тоглоом биш” гар зургийн уралдааныг  энэ оны дөрөв дүгээр сараас эхлэн зарласан байна. Энэхүү уралдаан нь 16 дах жилдээ зохион байгуулагдаж байгаа ажээ. Гар зургийн уралдаанд цэцэрлэгийн насны хүүхдүүдээс 18 бүтээл,1-4 дүгээр ангийн сурагчдаас 22 бүтээл,5-7 дугаар ангийн сурагчдаас 18 бүтээл, 8-11 дүгээр ангийн сурагчдаас 15 бүтээл нийт 73 бүтээл ирсэн байна.

2012 оны 06 дугаар сарын 01-ний өдөр Залуучууд театрт зохион байгуулагдсан “Хүүхдийн эрхийг хамгаалах” өдөрлөгийн үйл ажиллагаан дээр уралдаанд оролцсон бүтээлүүдээр үзэсгэлэн гаргаж,  уралдаанд байр эзэлсэн хүүхдүүдийг шагнаж урамжуулжээ.