Дуурь бүжгийн эрдмийн театрын тайзнаа ирэх бямба гаригт буюу энэ сарын 9-нд Б.Шаравын “Чингис хаан” дуурь эгшиглэх гэж байна. Хоёр бүлэг зургаан үзэгдэл бүхий энэ дуурийн  найруулагчаар нь Урлагийн гавьяат зүтгэлтэн Л.Эрдэнэбулган ажиллан, Урлагийн гавьяат зүтгэлтэн Ж.Бүрэнбэх удирдаж, симфони найрал хөгжимчид тоглоно.

XIII зуунд дэлхийг донсолгож, түүхийн нэн сонирхолтой хуудсыг бүтээж, үр хойчдоо аугаа том газар нутаг, сүр хүчийг өвлүүлэн үлдээсэн Мянганы суут хүн, гарамгай удирдагч Чингис хааны байлдан дагуулалтын түүх, сэтгэлийн хүчийг энэхүү дууриас сонирхоорой.