Европын холбооны дипломат албаны тэргүүн Кэтрин Эштон зургадугаар сарын 5-ны мягмар гаригт Исламабад хотноо хоёр хоногийн айлчлал хийхээр хүрэлцэн ирэв. Түүний айлчлалын зорилго нь “тус оронд ардчиллыг бэхжүүлэхэд Европын  холбооноос дэмжлэг үзүүлж байгааг харуулах явдал” гэж Эштоны хэвлэлийн албанаас айлчлалын өмнө мэдээлсэн байна.

“Бид манай хамтын ажиллагааг олон салбарт гүнзгийрүүлж, бүс нутгийн тогтвортой байдлыг урагшлуулахад хамтрах, хэт давралт ба терроризмтай тэмцэх асуудлыг шийдэх, шүүхийн шинэчлэл ба ардчилсан институтуудыг бэхүүлэх талаар хамтран ярилцана” гэж айлчлалын өмнө Эштон хэлсэн байна.

Кэтрин Эштон хоёр талын уулзалтыг ерөнхийлөгч ба ерөнхий сайдтай хийнэ. Мөн тэрээр тус орны Зэвсэгт хүчний жанжин штабын дарга болон парламентын сөрөг хүчний лидерүүдтэй уулзахаар төлөвлөжээ.

Зургадугаар сарын 6-нд Евро комиссийн Гадаад хэргийн Дээд комиссар Лахор хотноо очих бөгөөд тэнд Пенжаб мужийн захирагчтай хэлэлцээр хийх болно.