Өмнөговь аймгийн хилчид хоорондоо маргалдаж, зодолдсоны улмаас нэгнийхээ амь насыг хохироосон хэрэг гарчээ. Өмнөговь аймгийн Хилийн цэргийн 0131 ангийн заставын даргын орлогч, ахлах дэслэгч Б.Энхбаатар, жагсаалын дарга, ахлагч Н.Энх-Амгалан нар хоорондоо зодолдсон гэнэ. Улмаар Б.Энхбаатар хүнд гэмтэн Номгон сумын эмнэлэгт ухаангүй хүргэгдэн ирж, эмнэлгийн анхан шатны тусламж авч амжилгүй амьсгал хураасан байна. 

Өмнөговь аймгийн Цагдаагийн хэлтэсийн алба хаагчид хэргийн шалтгааныг тогтоохоор ажиллаж байгаа ажээ.