НҮБ-ын Ерөнхий Ассамблейн хурлаас анх 1972 онд  жил бүрийн зургадугаар сарын 5-ныг Дэлхийн байгаль орчны өдөр болгон тэмдэглэж байхаар тогтжээ. Тиймээс өнөөдрийг байгаль хамгаалах үйлсэд уриалан дуудах, энэ талаарх сургалт, сурталчилгаа хийх үйлсэд зориулах юм байна. 

Энэ жилийн Дэлхийн байгаль орчныг өдрийг Бразил улсын санаачилгаар “Ногоон эдийн засаг-танд хамаатай юу” гэсэн уриан дор тэмдэглэн өнгөрүүлэх гэнэ. Энэ хүрээнд Монгол Улсын Байгаль орчин, аялал жуулчлалын яам өнөөдөр монголын байгаль орчны төлөв байдлын талаар мэдээллүүдийг өгөх ажээ.

Энэхүү өдрийг анх 1973 онд “Ганцхан эх дэлхий” гэсэн уриан дор тэмдэглэж байжээ. Харин 1978 оноос улс орнууд өөрийн санаачлагаар уриа дэвшүүлж, нийтийг хамарсан арга хэмжээ хийдэг болсон байна.