МҮОНТ-ээс уламжлал болгон зохион байгуулдаг ”Робокон-2012” тэмцээн энэ сарын 6, 7-ны өдрүүдэд ”Буянт-Ухаа” спорт цогцолборт болох гэж байна. Тус тэмцээнд одоогийн байдлаар 20 орчим баг оролцохоор мэдүүлээд байгаа бөгөөд өөрийн оюун ухаанаар бүтээсэн роботуудаар өрсөлдөх юм. Дашрамд дурьдахад,  өнгөрсөн жил зохиогдсон Робокон-2011 тэмцээнд 15 баг  оролцсон бөгөөд “Гран при” буюу тэргүүн байрт ШУТИС-Мэдээлэл холбоо технологийн сургуулийн “Telecom Mongolia” баг шалгарсан билээ. Улмаар  “Telecom Mongolia” баг Тайланд улсын Бангкок хотод зохиогддог  Ази Номхон далайн “Робокон” тэмцээнд эх орноо төлөөлөн амжилттай оролцоод ирсэн байна.