Английн “Ливерпуль” клуб болон Нидерландын шигшээ багийн довтлогч Дирк Кюйт Туркийн “Фенербахчё” клубтэй гурван жилийн гэрээ байгууллаа. Тэрбээр өөрийн хуучин баг болох “Фейеноорд”-ын саналаас татгалзсан нь энэ. Туркийн баг ирэх улиралд “Аваргуудын лиг”-т оролцох эрх авсан нь энэ шийдвэрийг гаргахад нөлөөлжээ. Өдгөө 31 настай Кюйт 2006 оноос хойш “Улаанууд”-д хүчин зүтгэсэн бөгөөд “Премьер лиг”-ийн 208 тоглолтод оролцохдоо 51 гоол оруулж байв.