Дуучин Рианна Манхэттенд байдаг бие муутай эмээгээ эргэхээр Нью-Йорк руу явжээ. Тэрбээр ажлын их ачааллаас болж цаг зав муутай  байгаа ч хорт хавдрын улмаас шаналж байгаа эмээ Клара Брейтвэйт дээрээ очсон аж. 24 настай дуучин бүсгүй өөрийн албан ёсны цахим хуудсанд энэ тухайгаа бичжээ. Харамсалтай нь, Нью-Йорк явах нислэг захиалга ихтэй байсны улмаас нислэг нь нэг хоног саатсан  гэнэ.

Тэрбээр  эмээтэйгээ маш дотно байдаг  боловч баяраар л уулздаг гэнэ.  Өнгөрсөн гуравдугаар сард  Рианна  эмээгийнхээ төрсөн өдрийн баярт  очихдоо чөлөөт стилийн даашинзан  дээр гинж зүүж, саравчтай малгай өмсч, нарны шил зүүсэн байсан нь папараццид өртсөн юм. Рианна Нью-Йоркийн  нисэх онгоцны  буудалд буухдаа хар өнгийн спорт цамц, жинс өмсөн чөлөөт маягаар хувцаслаж, хумсаа хурц шар өнгөөр будсан  байжээ.