Улаанбаатар хотын захирагч Г.Мөнхбаяр минж нутагшуулж, байгалийн аргаар Туул голын усны түвшинг нэмэгдүүлэх төслийг өнгөрсөн онд санаачлан өдгөө ажил хэрэг болгож буй билээ. Төслийн хүрээнд Германы Бавари мужаас 14 минж авч ирсний дээр ирэх есдүгээр сард ОХУ-аас 20 гаруй минж авчрах юм. Түүнчлэн Баянзүрх дүүргийн Гацуурт тосгоны ойролцоо Минж үржүүлгийн төв барихаар тендер зарлаад буй . Одоогоор цахилгаан  холбох болон түр байр барих тендерийн гүйцэтгэгч нь шалгарсан байна. Гүйцэтгэгчдийг энэ долоо хоногт шалгаруулж дуусах юм байна.