Facebook компани ирэх онд өөрийн брэндийн смартфоноо худалдаанд гаргахаар болжээ. Энэ нь мэдээж нийгмийн сүлжээний аварга компанийг илтгэсэн бөгөөд тэдний бүтээгдэхүүнийг ашиглахад илүү хялбар функцтэй гар утас байх аж. Энэ тухай AFP мэдээллээ.

Компанийн төлөөлөгчийн ярьснаар “Facebook”-ийнхэн Тайванийн НТС компанитай хамтран ажиллаж “Баффи” хэмээх гэрээний хүрээнд шинэ смартфон үйлдвэрлэх юм байна.  “Apple” компанид ажиллаж байсан “Facebook”-ийн төлөөлөгч саяхан Марк Зукербергтэй уулзаж смартфон үйлдвэрлэх боломжтой эсэх асуудлаар ярилцжээ.

“Нью-Йорк таймс” сонинд бичсэнээр Марк Зукерберг өөр утасны флатформ дээр суурилсан “Facebook” арр-тэй гар утас үйлдвэрлэхийг таашаахгүй байгаа аж. АНУ-ын компанийн төлөөлөгч AFP-д өгсөн ярилцлагадаа “Бид нийгмийн сүлжээний сайтыг хэрэглэгчдэд илүү ойрхон байлгах үүднээс ирэх онд шинэ гар утсаа танилцуулж худалдаанд гаргана. НТС-тэй хамтарч байгаа. Шинэ утас  “Facebook”-ийг ашиглахад зориулагдсан учраас функцийн хувьд өөр байх юм” гэжээ.