Египетийн экс-ерөнхийлөгч Хосни Мубаракийг шүүх хурал тов ёсоор өнөөдөр Египетийн Кайр хотноо эхэллээ. Тэрбээр өнгөрсөн оны хоёрдугаар сард улс орныхоо дэглэмийн эсрэг санал бодлоо илэрхийлж байсан үй олон ард түмнийхээ өөдөөс гал нээн олон арван хүмүүсийн аминд хүрсэн хэрэгт буруутгагдаад буй билээ. Удаа дараа хойшилсон шүүх хурал дэлхий нийтийн анхаарлын төвд байна.

Кайр хотын төв талбайд үй олон хүн цуглаж, 5000 гаруй цагдаа шүүхийн шийдвэрийг хүлээн, бэлэн байдалд байгаа ажээ. Екс-ерөнхийлөгчийг шүүх үндэслэлийг Олон улсын хүний эрхийн байгууллага Эмнести интернэйшнл”-ийн тогтоосноор 840 гаруй хүн амиа алдсан аймшигт хэрцгийлэл гэж тайлбарлаж байгаа юм. “Экс-ерөнхийлөгчийн хувь тавилан болоод Египетчүүдийн цаашдын ирээдүй өнөөдрийн шүүх хурлын шийдвэрээс хамаарна” хэмээн СNN онцолжээ.