Хонконгийн “Christie"s”  дуудлага худалдаагаар “Ангарагийн ягаан” нэртэй нэн ховор очир алмазыг 17,4 сая ам.доллараар худалджээ. Уг чулуугаар чимэглэсэн алтан бөгж тавдугаар сарын 29-нд болсон “Хонконгийн гайхамшигт эрдэнэс” худалдааны хамгийн үнэтэй эдлэл болсон байна.

Бөгж наймаас 12 сая ам.долларын үнэ хүрнэ гэсэн таамаглал  байсан ч үнэ дуудаад 10-хан минут болж байхад нэрээ нууцлахыг хүссэн худалдан авагч 17,4 сая ам.доллар хүртэл өсгөн ховор эрдэнийн эзэн болжээ.

 Уг 12,04 каратын нэн ховор очир алмаазын нэрийг 1976 онд эхэлсэн NASA-гийн “Викинг” сансрын төхөөрөмжийг  Ангараг руу илгээх төслийн дурсгалд зориулж өгсөн байна. Ховор эрдэнийг дугуй хэлбэрт оруулан засч янзлах ажлыг үнэт эрдэнэсийн “Harry Winston” компани гүйцэтгэжээ.