Тус хөтөлбөрийн хүрээнд хүүхдүүдэд
мэргэжлийн сэтгэлзүйчийн туслалцаа хүргэх, иж бүрэн эмнэлгийн үзлэгт
оруулах, бүрэн хувцаслах, чөлөөт цагаа зөв өнгөрөөхөд нь анхаарч усан
бассейнд хичээллүүлэх, хичээлээс гадуурх сургалт, дугуйланд явуулах
зэрэг ажлууд тусгагдсан бөгөөд 18 нас хүртэл сар бүр тогтмол мөнгөн
тэтгэмж олгон, дээд боловсрол эзэмшихэд нь сургалтын зардлыг бүрэн
хариуцаж, ажил амьдралын гараанд хүргэх ажлууд хийгдэнэ.

Хүүхдийн
төлөө зориулж буй нийгмийн халамжийн энэхүү гэгээлэг хөтөлбөрийг Моннис
Групп санаачлан, бизнесийн салбарынхныг уриалан, түүчээлэн эхлүүлж
байна.

Тус
хүүхдүүд нь сурах эрмэлзэлтэй, зөв хүмүүжилтэй, урлагийн авъяастай
бөгөөд Моннис Группын тэтгэлгээр мөдхөн ажил амьдралын гараанд хүрч, эх
орныхоо бүтээн байгуулалтанд хувь нэмрээ оруулсан иргэн болон төлөвших
болно.

Моннис
Групп нь хүүхдүүдийн амьдрах орон байрны асуудлыг шийдвэрлэхээс гадна
их дээд сургуулиа төгсөөд тус группын 1500 гаруй хамт олонтой мөр
зэрэгцэн ажиллахыг урьж байгаа юм.

Хүүхдийн
Сургалт Хүмүүжлийн Тусгай Төв нь нийгмийн эмзэг бүлгийн эцэг эхийн
хараа хяналтаас гарсан хагас болон бүтэн өнчин 120 хүүхдийг халамжлан
хүмүүжүүлж нийгэмшүүлэн төлөвшүүлэх, амьдрах арга ухаанд сургадаг
байгууллага юм.

Монгол
Улсын ТОП12 дахь аж ахуйн нэгж Моннис Группын эх орны ирээдүй болсон
хүүхэд багачуудын сайн сайхны төлөөх нийгмийн хариуцлагын хөтөлбөр
тасралтгүй үргэлжлэн явагдах болно.