Колумбын 28 настай иргэн таван жилийн өмнө хүчлийн дайралтанд өртөж нүүр, нуруу, гар нь түлэгдэж, зүүн нүдээ алджээ.

Бангладеш болон Пакистаны эмэгтэйчүүд хүчлийн халдлагад байнга өртөж, амь нас, эрүүл мэнд, гоо сайхнаараа хохирдог байна. Сүүлийн үед Колумбад ч мөн эмэгтэйчүүдийн гоо сайхныг хохироосон хүчлийн халдлага гарах нь олширчээ.

Колумбын Эрүүл мэндийн институтэд 2010 оны байдлаар 55 тохиолдол,  2011 оны байдлаар 42 тохиолдол бүртгэгдсэн байна.

Энэ жил  гэхэд л 22 эмэгтэй хүчлийн дайралтад өртсөн гэж мэдээлсэн байна.

Орон нутагт хүчлийн дайралтанд өртсөн хохирогчидтой холбоотой байдаг хатагтай Нарнандезийн хэлж байгаагаар бодит тоо нь үүнээс ч их гэнэ.

Хохирогч бүсгүйчүүд заналхийлэл, сүрдүүлгээс айж, хуулийн байгууллагад хандаж чаддаггүй гэж  тэрбээр ярьсан байна.

Мөн “Он гарснаас хойш 100 гаруй тохиолдол гарсан. Орон даяар маш олон эмэгтэйчүүд хүчилд түлэгдсэн” гэжээ.