“Хаврын баяр-2012” урлаг спортын наадам Улиастай хотноо зохион байгуулагджээ. Энэхүү наадамд оролцохоор 24 сумын 700 гаруй тамирчид, урлаг соёлын уран бүтээлчид хүрэлцэн ирсэн байна. 11 дэх жидээ зохион байгуулагдаж байгаа энэхүү наадмын нээлт Завхан аймгийн  Улиастай хотын  төв талбайд болжээ. 

Сумдынхаа туг, хувцасаараа жигдэрсэн баг тамирчид жагсаж, урлаг соёлын мастерууд “Заяа даасан Отгонтэнгэр” дуугаар наадмыг эхлүүлжээ. Наадам өнгөрсөн 27-ныг хүртэл гурав хоног үргэлжилсэн байна.