Поп дива Ж.Алтанцэцэг Эх үрсийн баярт зорилусан тоглолтоо маргааш Монголын хүхдийн ордонд 16.00 цагт хийх гэж байна. Багачуудад зориулсан энэхүү тоглолтоо тэрбээр хоёр дахь жилдээ хийх гэж байгаа бөгөөд тоглолтоын орлогыг хүүхдийн ирээдүй сайн сайхны төлөө зарцуулах юм.

Өнгөрсөн жилийн энэхүү тоглолтын орлого болон найз нөхдийнхөө хандивын мөнгөөр ЭНЭШТ-ийн нярайн тасагт шаардлагатай байсан тоног төхөөрмжийг худалдан авч бэлэглэж байсан билээ. Харин тэрбээр энэ жилийн тоглолтын орлогоо хүүхэд багачуудад зориулсан тусгай сувилал байгуулах төсөл хэрэгжүүлэхэд зориулахаар төлөвлөжээ.

Поп дива Алтаа "Ногоон орчин бидний ирээдүй" тоглолтоо хийж, хүүхэд, эцэг эхчүүдтэй дуу хуурын ертөнцөөр аялах нь ээ. Түүний тоглолтод Монголын хүүхдийн ордны дууны багш С.Ганчимэгийн шавь нар болон “Extacy” хамтлагийн охид ая дуугаа хүргэх юм байна.