Швейцарийн холбооны улсын Женев хотноо чуулж буй Дэлхийн эрүүл мэндийн 65 дугаар Ассамблейн үеэр ДЭМБ Ерөнхий захирал хатагтай Маргарет Чан Эрүүл мэндийн сайд Н.Хүрэлбаатарыг албан ёсоор хүлээн авч уулзжээ.

Уулзалтын үеэр Эрүүл мэндийн сайд Монгол Улсын эрүүл мэндийн тогтолцооны талаар танилцуулан, Засгийн газар болон Дэлхийн эрүүл мэндийн байгууллага хоорондын хамтын ажиллагаанд сэтгэл хангалуун байдгаа илэрхийлж, цаашид хамтын ажиллагааг улам өргөжүүлэн хөгжүүлэхэд анхааран ажиллахаа онцолсон байна. Мөн тэрээр  сайдын урилгаар ДЭМБ-ийн Ерөнхий захирал хатагтай Маргарет манай улсад айлчлан ирэхээ мэдэгджээ.

Мөн Эрүүл мэндийн сайд Н.Хүрэлбаатар Ерөнхий захирал хатагтай Маргарет Чанд Дэлхийн хүн амын эрүүл мэндийг хамгаалах их үйлсэд оруулсан үнэтэй хувь нэмрийг үнэлж, эрүүл, мэндийн сайдын нэрэмжит шагнал гардуулжээ.