Хүүхэд, багачууд аа! Өнөөдөр “Монгол эгшиглэн” хамтлаг тоглолтоо хийх гэж байна. Хүүхдийн “Монгол эгшиглэн” хамтлагийн тоглолт нь өнөөдөр 16.00 цагт Бөхийн өргөөнд “Бид Монгол хүүхдүүд-2012” нэртэйгээр болно.

Энэ удаад “Монгол эгшиглэн” хамтлагийн авьяаслаг хүүхдүүд тоглолтоосоо олсон орлогыг “Эх Хүүхдийн Эрүүл Мэндийн Үндэсний Төв”-ийн мэс заслын дараах эрчимт эмчилгээний тасгийн сахиурын өрөөг шинээр бий болгон тохижуулах, сахиуруудын сэтгэл зүйн байдал, байрлах орчныг сайжруулах үндсэн зорилгоор шаардлагатай бүх тоног төхөөрөмжийг суурилуулж өгөхөөр гэнэ.

Тоглолтод урилгаар язгуур урлагийн "Домог" хамтлаг, Дархан хотын "Эгшиглэнт чимээ" хамтлаг, Улсын дуурь, бүжгийн эрдмийн театрын найрал дуучид оролцох юм байна.