Гуравдугаар амаржих газар ирэх долдугаар сарын 04-ныг хүртэл Нэгдүгээр амаржих газарт нүүж очсон байна.

Учир нь гуравдугаар амаржих газрын байранд барилга, сантехник, цахилгааны өргөтгөл хийж байгаатай холбогдуулан төрөх эхчүүдээ хүлээж авах боломжгүй болжээ.

Ийнхүү хоёр амаржих газар нэг байранд үйл ажиллагаа явуулсанаар төрөхөөр болон эмчлүүлэхээр ирсэн ээжүүд багтахаа больж байгаа гэнэ. Энэ талаар нэгдүгээр амаржих газрын ажилтнаас тодруулахад “Манай эмнэлэг ачааллаа даахаа болиод байна. Урьд нь хоногт дунджаар 30 орчим эх амарждаг байсан. Гэтэл одоо энэ тоо 50 гараад байна” гэх хариултыг өгсөн юм.