NBA-гийн таван удаагийн аварга, “Алдрын танхим”-ын гишүүн Деннис Родман хүүхдийн тэтгэмжээ төлөөгүйн улмаас 104 цаг олон нийтийн ажил хийх шийтгэл хүлээлээ. Түүний салсан эхнэр нь хүүхдийн тэтгэмж болох 800 мянган ам.долларыг төлөөгүй гэсэн үндэслэлээр шүүхэд хандсан юм. Харин Родманы өмгөөлөгч өөрийн үйлчлүүлэгчийг үүнээс харьцангуй бага мөнгө төлөх ёстой гэж тайлбарлаж байгаа аж. Өдгөө 51 настай тэрбээр өмнө нь дуучин Мадонна, жүжигчин Кармен Электра нартай хамтран амьдарч байв.