Поп хатагтай Б.Сарантуяа facebook-ийн найзуудынхаа хүсэлтээр Европын орнуудад толилуулсан “Сэтгэл догдлуулсан үдэш” тоглолтоо Улаанбаатар хотноо хийсэн. Уг тоглолтын эрхэм зочдын нэг дэлгэцийн сайхан бүсгүйчүүдийн нэг, Гавьяат жүжигчин Н.Батцэцэг зууны манлай дуучин Сараад тун өвөрмөц бэлэг барьжээ. Тэрээр “Swarovski” брэндийн болор үзэг дурсгалын зүйлийг гардуулахдаа “Олон сайхан гэрээг энэ үзгээр зураарай. Чиний микрофонтой ижилсүүлж авсан юм шүү” хэмээнэ лээ. Поп хатагтай Сараа  ч “Батцэцэг эгч миний тоглолтонд хүрэлцэн ирсэн нь нэр төрийн хэрэг юм” гээд  түүнд зориулан  “Би жаргалтай” дуугаараа бэлэг барьжээ.