Монголын хошин урлагийн студи, продакшнуудаас өөрийн гэсэн өнгө төрх, жүжигчдийн ур чадвар зэргээр эрхгүй ялгардаг “Шинэ үе” продакшны “акулууд”-ын нэг Р.Алтансүх буюу Аси шинэ уран бүтээлийнхээ хажуугаар ирээдүйн тайз дэлгэцийн шилдгүүдийг бэлтгэхээр сэтгэл шулууджээ. Тэрбээр жүжигчин, хөтлөгч, нэвтрүүлэгчдийг бэлтгэх сургалтын төв ажиллуулахаар болж, багш сургагч нарынхаа хүчийг зузаатгасан бөгөөд Монголдоо байхгүй чадварлаг, шинэ боловсон хүчин бэлтгэхээ амлажээ.