Английн хөлбөмбөгийн шигшээ багийн ерөнхий дасгалжуулагч Рой Хожсон “Евро-2012”-д “Манчестер Сити”-гийн хагас хамгаалагч Гарет Барригийн оронд “Эвертон”-ы төвийн хамгаалагч Фил Ягелкаг авч явахаар боллоо. Барри өнгөрсөн бямба гаригт Норвегитэй хийсэн нөхөрсөг тоглолтын үеэр бэртж, ЕАШТ-д оролцох боломжгүй болсон юм. Өдгөө 29 настай Ягелка “Гурван арслан”-гийн бүрэлдэхүүнд 2008 оноос хойш 11 тоглолтод оролцжээ.