Роботын тухай сонирхолтой баримтууд | News.MN

Роботын тухай сонирхолтой баримтууд

Хуучирсан мэдээ: 2010.05.10-нд нийтлэгдсэн

Роботын тухай сонирхолтой баримтууд

Магадгүй хэдэн жилийн дараа эрдэмтэн, инженерүүд хүнээс ч илүү ухаалаг роботыг бүтээх байх. Өнөөдрийн хувьд бол роботууд хүний хийх ажлыг хөнгөвчилж, тэднийг орлож чадна. Төрөл бүрийн салбарт роботын хэрэглээ өдөр бүр ихсэх болсон энэ үед роботтой холбоотой зарим нэг сонирхолтой мэдээлэл хүргэе.

Дэлхий дээрх хамгийн анхны humanoid буюу хүнтэй төстэй робот нь “Elektro” нэртэй байсан бөгөөд 1939 онд Westinghouse бүтээсэн байна. Хоёр метр гаруй өндөртэй уг робот нь “ярьдаг машин” байсан ба 700 гаруй үгийн сантай байжээ. Elektro  хожим нь 1960 онд дэлгэцнээ гарсан “Sex Kittens Go to College” нэртэй кинонд “тоглосон” байна.

Робот хүний аминд хүрсэн анхны тохиолдол 1981 онд бүртгэгджээ. Тухайн үед үйлдвэрийн робот Японы Kawasaki үйлдвэрийн ажилчны аминд хүрч, шуугиан дэгдээж байв.

Нэрт зураагч Леонардо да Винчи 1495 онд зэвсэглэсэн хүнтэй төстэй робот бүтээх төлөвлөгөөгөө цаасан дээр буулгаж байжээ.

Түүхэн дэх хамгийн анхны робот манай эриний тавдугаар зуунд мэндэлсэн бөгөөд тухайн үед Аркитас гэгч эр механик шувуу бүтээж байжээ.

АНУ-ын цэргийн хүчинд нийт 4000 орчим робот байдаг гэнэ.

Бристолын роботын лабораторийн эрдэмтдийн бүтээсэн робот нь бактериар цэнэглэгдэж, ялзарсан алим болон үхсэн ялаанаас цахилгаан үүсгэдэг байна. Зорилго нь роботуудыг хүний оролцоогүйгээр цэнэглэгдэх чадвартай болгох явдал гэнэ.

Кибернетикийн ухааны профессор Кевин Варвик зүүн гартаа компьютерийн чип суулгасан бөгөөд өөрийгөө дэлхийн анхны киборг хэмээн  нэрлэжээ. Тэрбээр алсын зайнаас хаалга онгойлгож, хааж чаддаг гэнэ.

Японы NEC System Technologies-ийн бүтээсэн Winebot нь төрөл бүрийн дарс, бяслагийг ялгаж, ангилж чаддаг гэнэ.

Роботын инженер Хенрик Кристенсений таамаглаж буйгаар дөрвөн жилийн дараа хүн төрөлхтөн роботтой бэлгийн харьцаанд орох боломжтой болох гэнэ. Түүнчлэн өөр нэгэн роботын мэргэжилтэн Ханс Моравечийн хэлснээр 2040 он гэхэд роботууд сэтгэл хөдлөлтэй болох аж.

С.Цэлмэг

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2010-05-10 202.179.20.228

LaCie компаний 4TB буюу 4000GB багтаамжтай 4big Quadra зөөврийн супер хард зарна 88664040

Avatar

niitsehgui bain 2010-05-10 157.82.5.100

mongoliin medeenii site-uudiin medeelluud sanaand niitsehgui baina yalanguya tanin medehuin taliin hesguud yoroosoo l neg suragaar bichsen barimtgui zuils baih yum yamarch shinjleh uhaan tehnik-tei holbootoi baruunii site-g uzehed yadaj holbootoi linkuud bolon citation-uud ni baidag bizdee

NewsMN Гар утасны хувилбар Татах
NEWS.mn

Мэдээллийн эх сурвалж