Афганистаны өмнөд хэсэг болох Такарт гурван багш, 160 сурагч хордсон болохыг цагдаа нар мэдээлжээ. Цагдаагийн ажилтны ярьснаар сурагчдыг сургууль руу орохоос өмнө хорт бодис сургуулиар тархсан байсан гэнэ. Энэхүү хэрэг явдалд талибанчуудыг буруутгаад байгаа юм. 10-20 насны сурагчид толгой нь эргэж, бөөлжсөн зовиуртайгаар эмнэлэгт хүргэгдэж ирсэн хэмээн тус мужийн эмнэлгийн дарга мэдээлжээ. Тэдний талаас илүү хувь нь одоогийн байдлаар эмнэлэгт эмчлүүлж байгаа ба эмнэлгийн зүгээс хордсон сурагчдын цуснаас сорьц авч, нийслэл Кабул хот руу явуулжээ.

Тус мужийн ард иргэд хэргийг үүгээр таслан зогсооно гэдэгт итгэж байгаа бөгөөд хүний эрх ийнхүү зөрчигдөөд байгаа хэрэгт Засгийн газрын зүгээс ямар нэг арга хэмжээ аваагүй байгаа юм байна. Гэвч энэ долоо хоногийн эхээр Талибан хөдөлгөөнийхөн сургуулийн сурагчид олноороо хордуулсан энэхүү хэргэт хариуцлага хүлээх ёстой хэмээн АНУ болоод НАТО-гийн зүгээс үзэж байгаа юм байна.

Өнгөрсөн дөрвөн сард талибанчууд дээрх хэрэгтэй төстэй хэрэг үйлдэж, 170 эмэгтэй сурагч хордож эмнэлэгт хүргэгдэж байжээ. Афган охидыг сургуульд суралцахыг эсэргүүцдэг талибанчууд 1996-2001 оны хооронд охидын сургуульд удаа дараалан ийм хэрэг үйлдэж байжээ.