Москва хотын “Третьяковын галейрей”-д үргэлжиж буй уулгүй тал дахь цусгүй тулаан дэлхий нийтийн анхаарлыг татаад байна. Дэлхийн шатрын аварга цолны төлөө тулалдаж буй Энэтхэгийн их мастер Вишванатан Ананд, Израилын их мастер Борис Гельфанд нарын цуврал төлөвлөгдсөн 12 өрөг тоглолтын дараа 6.0:6:0-гаар тэнцлээ. Тэд бие биеэ тус бүр нэг хожиж, үлдсэн 10 тоглолтод нь эвийн гэрээ байгуулсан юм. Их мастерууд өнөөдөр гурван рапид тоглолт (25 минутаар, нүүх хугацаа 10 секунд) хийх бөгөөд тэнцсэн тохиолдолд нэмэлт нэг тоглолт гарна. Ингээд ялагч тодрохгүй бол тав хүртэлх блиц тоглолт  (Таван минутаар, нүүх хугацаа 10 секунд) болох юм. Хэн нэгэн нь илүүрхэхгүй бол дүрэм ёсоор ялагчийг заавал тодруулах “Армагеддон” арга (цагаанаар тоглох нь тав, хараар тоглох нь дөрвөн минутад нүүнэ. Тэнцвэл хараар тоглосон нь хожно)-ыг хэрэглэх ажээ. Ямар ч байсан 2012 оны дэлхийн шатрын аварга өнөөдөр тодорно.